١٠ اشياء “لازم” يكونوا ف دولابِك !

…

بمناسبةاليوم الوطني، فجأة جاني احساس انو لو كتبت للبنات ف الوطن السعودي هذي التدوينة حأكون قدمتلهم خدمة فحياتهم! p:

امزح :/ بس ما كان عندي مقدمة لائقة..

١#  lip gloss شفاف،

الافكت اللي يعطيكي هوا القلوس الشفاف ينقذك في كثير من الاحوال، سواء في الصباح للدراسة (مو في المدرسه ابداً) او في الليل

لحضور سهرة سواء صغيره او كبيرة.. عمروا القلوس الشفاف مو غلط! و يناسب جميع درجات البشرة، واذا كنت حابة شي فيلو لون شوية

وكنتي بيضاء ممكن تستخدمي اللون اللي ضارب على بيج اوبنك فاتح واذا كنتي قمحية تستخدمي قلوس لون لحمي برضو يديكي افكت جميل :]

طبعاً الوان البشرة هذي تقويباُ يناسبها كل درجات الالوان الا قليل ولكن انا بتكلم عن شي دايماً لازم يكون عندك.

واحب اضيف نقطة، انو في البعض يعتقد انو روج احمر هوا اهم شي و احب اعلق انو ابدا الروج الاحمر مهو اهم شي، ابدا م ينفع روج احمر

لكل يوم وفي الصباح كمان>< و في ملامح ما تناسبها الارواج الحمرا ابداً حتى لو اللون جاي على بشرتها حلو!

٢# كعب اسود،

برضو الكعب الاسود مفيد جداً لكل انواع الخرجات، سواء في الصباح او الليل و يناس كل درجات الالوان اللي ممكن تكوني لابستها،

وما يحتاج اوصف الشكل الجميل اللي يعطيكي اياه الكعب :] و للأناقة القاتلة: اوصي بكعب نحيف سواء كان قصير او عالي لانو في الحقيقة

الكعب العريض (الكلاسيكي او اللي نلاقيه ف كل مكان) يعتبر اهانة لكعوب العالم !

٣# فستان اسود ساده،

الفستان الاسود برضو منقذ في كثير من الحالات الطارئة، فرح او سهرة مفاجئة، و سادة عشان ممكن يناسب جميع المستويات من السهرات يعني لو

سهرة صغيرة ما يحتاج شي غير بس شوية ذهب او ميك اب جميل و لو كبير برضو ما يطلب منك غير انك تزيدي في الذهب اللي حتلبسيه :

* ملاحظة: مني عارفه اقول ذهب ولا اكسسوار حسيت الكلمتين قديمااااااه جداً :[ فمشوا حالكم.

٤# جينز غامق،

الجينز الغامق شي جميل جداً، يتلبس في الصباح و في الليل ف السهرات برضو، جينز غامق مع بلوزه مرتبة و جميلة جداً (وفخمة) ممكن تحضريبها

سهرة كبيرة وانتي واثقة من نفسك كل الثقة، مثلا حفلة تخرج او سابع او الخ .....

٥# مساكرا سودا،

الافكت اللي تديه المسكرا على الرموش من اكثر الاشياء الجميلة ف الحياه :" سواء كانت رموشك كثيفة - طويلة - قصيرة - خفيفة، المسكرا ما

حتخيب ظنك ابداً، بس بشرط: يا انو المسكرا تكون فرشتها نحيفة (اسنانها كثير بالاصح) او انو تستخدمي مشط الرموش بعد ما تحطي المسكره و قبل

ما تنشف عشان ما تديكي افكت ملبد :/

٦# ترينق سوتtraining suit ،

او زيما يقولوا: ترنك (حسيته مصطلح ولادي :/) ، او بيجاما حلوه برضو ينفع، تنفع للجلوس بيها في البيت بمنظر جميل و تنفع للمزاكرة

و القراءة و التركيز و حتى في الجلوس بيها مع الناس اللي تموني عليهم

٧# baggy t-shirt،

او تي شيرت فضفاض (كبير و واسع)، دا الشي برضو ينفع لنفس الاشياء اللي تنفعلها التريننق سوتز و يحسسك انك في البيت. مريح، جميل

و يغير ستايلك شوية. طبعا ممكن مع تريننق سوت << بس دا ما حيكون منظر جميل! او مع جينز و ينطلون عادي،

+ شي مره مهم انو حيكون ساتر بطريقة جميلة :]

٨# عباية و طرحة مرتبين،

ابدا ما يحتاج تكون ا لعباية المرتبة فيها فصوص العالم >< بس انو تكون عباية مو مهرية و يطلع شكلك قدام الناس جميل ومرتب :”

٩# اساس او مويسترايزر و كونسيلر،

اساس دا للبنات الكبار و مويسترايزر شي يديكي تقريباً نفس الافكت حق الاساس (غالباِ يستخدموه البنات المو كبار ولا صغار مادي اش يسموهم! او في الاحيان اللي ما يحتاج تعمليكفر كامل للوجه) بس انو المويسترايزر مره خفيف و برضو افضل من الاساس للي بشرتهم ما تعاني من اي ندوب او حبوب او الخ……..

و كونسيلر لكل يوم بس برضو ما يفضل يستخدموه البنات اللي مو صغار ولا كبار وما يعانو من سواد تحت العين او بقع غامقه في البشره:]

١٠#  اخيراً اقول مقولة كوكو شانيل: a women can be over dressed but never over elegant! تعني انو المرأة ممكن تكون لابسه بزيادة بس مو ممكن تكون انيقة بزيادة (يعني انو عمرها الاناقة ما تكون شي زايد عن حده)، واقول ما اقول:  سر الجاذبية لا يمكن ابدا في انو تكوني جميلة او ملابسك جميلة (مع انا تاخد مساحة ف الموضوع دا برضو) ولكن يكمن في انك تكوني انيقة في مشيتك، كلامك، ضحكتك، وقفتك وجلستك الخ…………..

….

و و ووو عام جميل لكل الاناث في السعودية

:*