اكتب من رحم المعاناه!
طبعاً طبعا …. تعرفوا كيف نخرج ف رمضان اكتر من الايام اباقيه و نقابل ناس اكتر من العاده ، الخ .. ..
المهم، نا هنا اليوم لأكتب عن خمس مصلين تستحيل الصلاة جمبهم :/
# ياااا ايتها الرائحة!
اعتقد انو دا اسوأ نوع من انواع المصلين… الريحة اللي تخلي الراس يصدع ف النص! تحس انو في احتمال يا تموت يا تموت:/
الرييييحة اللي تصقع ف الدماغ اسوأ ما يمكن ان تكون، يعني المفروض انو العبايه تتغسل كل يوم و الترويش حاقه روتينيه ف الصيف! حرام عليهم اللي بيعلموه ف خلق الله من العزاب الأزلي!
# المراهقين ><”
البنات اللي تتراوح اعمارهم بين ١١ – ١٥ سنه عزاب مو طبيعي : [
١٠ مرات ف الركعه الوحده تلف الطرحة و ١٥ مره توقف على اطراف اصابعها << تعبت! و ٢٠ مره تفتح القران و تسكه و كمان لما نركع و نسجد تحط القران ع الارض و انت تموت غيظاً انو القران ف مستوي الرجل. ويالييييل مطولك :@
اعتقد و في احتمال كبير انو هذا العمر يمتد عند الاولاد الى ١٨ سنه!
# العجايز :”
على قد ما هما لزاز بس لما نركع ولا نسجد ما تسمع غير: س سس س س س س س س س سسس سس !
ولما يجو يدعو: يارب يارب يارب يارب تزوج احمد يارب يارب تجبلهم بنات الحلال يارب ترزق خالد بنت الحلال يارب يارب يارب يارب توفق بزورتي يارب يارب يارب………….
# اللي ما يقدروا يجلسوا ف حته وحده:/
من اكبر المشتتات الناس اللي تهز تهز تهز تهز قدام ورا قدام ورا ولا يمين يسار يمين يسار >< اااااخ مره مره ما ينفع الوضع!
# اصحابك :S
في خضم الاحداث دي كلها مره ما ينفع يكون صاحبك جمبك عشان لا تحش بين كل تسليمه و تسليمه..
واذا كنت محترم اكثر حتتذكر المواقف بعدين و كل ما تفتكروها مع بعض حتحشوا :/
واذا كنت مره جيد فما حتقدر تخشع و تاخد راحتك ف الدعاء و الصلاه()
واتخيلوا لو انكم ف الشاطري ولا ف الحرم ولا نبيل الرفاعي و قدييييش يطوّل و احد من هؤلاء جمبك…. ما نقول الا الله يؤجركم :/
تقبل الله من جميع المصين، ونشهد الله اننا سامحناهم ولكن فقط عشان باقي الخلق ………
:/
آه بس لا تقلبي المواجع لأنو حأنفرررط
ولا يا أختي مو بس العجايز الي يقولو سسس س س س !
بس العجايز حبايب قلبي لما يصروا يسجدو و يجلسو ع الأرض مرة معانااة الوقوف ! و أنا مرة أحزن و أحيانًا أساعد وبعضهم من غير ما تعرضي يتكو عليكي ف نصيحة للعجايز يصلو ع كرسي
و كمان الصلاة جنب أحد مزكم أو عنده كحة حاجة تنننية
و الصلاة ف مسجد الشيخ الصايغ و كمان ف السجاجيد الي ف الشارع قمة الروعة يعني الهواء العليل مسستحيل، و ماشاء الله الشيخ مرة ي ط و ل !
وكمان الصلاة جنب ناس تحرك اصباعها طول الصلاة يعني ما اعرف دا الشي صح ولا لا ،بس يوتتر
ولا الناس الي فصلاة سرية أنا أقرا ف قلبي (الرحمن الرحيم) الا هيا تعلي صوتها (اهههدنا الصراط المستقيم) و ترجع توطي فأنا لا شعوريا أكمل (صراط الذين … الآية)
اسوء انواع المصلين هو الاول ، الله يكتب لنا الاجحر ويهدي جميع المسلمين
اعارضك في اعتقادك عن الشباب ، لم ارى او اسمع في حياتي مثل هذا النموذج ، هذا شي خاص بالبنات على مايبدو